Shvetsiyada tormozi buzilgan poyezd tufayli o‘rmon yonib ketdi

Shvetsiya g‘arbida o‘t o‘chiruvchilar tuni bilan o‘rmonda yuz bergan yong‘inni o‘chirdi, deb yozadi “Korrespondent.net”.

Ushbu yong‘in tormozi buzilib qolgan poyezddan olov chiqishi oqibatida yuz berdi.

420 metrli yuk poyezdining mashinisti buzilgan tormoz g‘ildiraklarga tegib, olov chaqnayotganini sezmay qoldi.

“Agar qorong‘u bo‘lganida balki olov chaqnayotganini sezgan bo‘lardik”, — deydi mashinist.

Yong‘in oqibatida hech kim jabrlanmagan. Bir nechta xo‘jalik qurilishlariga zarar yetgan.

O‘t o‘chiruvchilar kechasi olovni bartaraf etgan, shunday bo‘lsa-da hudud o‘t o‘chiruvchilar nazoratiga olingan.