AQShda besh marotaba yil shifokori deb topilgan nukuslik Joldas Quljonov O‘zbekistonga keldi
O‘zbekiston sog‘liqni saqlash vaziri Alisher Shodmonov AQShning yetakchi klinikalaridan biri — Sent-Luis universitetining ortopedik jarrohlik departamenti rahbari, taniqli mutaxassis Joldas Quljonov bilan uchrashdi. Bu haqda Sog‘liqni saqlash vazirligi matbuot xizmati xabar berdi.
Joldas Quljonov asli nukuslik bo‘lib, 1989-yilgacha Nikaraguada ishlagan. Shuningdek, “Paxtakor” futbol klubi shifokori sifatida faoliyat yuritgan. 1989—1995-yillarda Toshkent tibbiyot akademiyasi 2-klinikasining travmatologiya va ortopediya bo‘limi rahbari bo‘lgan. Hozirda travmatolog-ortoped Joldas Quljonov AQShda faoliyat ko‘rsatmoqda.
Quljonov AQShda har yili 700 dan ziyod eng murakkab operatsiyalarni muvaffaqiyatli o‘tkazadi, universitet klinikasida qator davlatlarning travmatolog-ortopedlariga ta’lim beradi, dunyoning nufuzli tibbiyot markazlarida mahorat darslari olib boradi.
Joldas Quljonov besh marotaba AQShda yilning eng yaxshi shifokorlaridan biri sifatida e’tirof etilgan.
Uchrashuv chog‘ida Quljonov 23-iyun—3-iyul kunlari Sent-Luis va San-Diyegodagi ixtisoslashtirilgan tibbiyot markazlarining neyroxirurg, neyrofiziolog, urolog, travmatolog-ortoped va boshqa shifokorlari O‘zbekistonga tashrif buyurishini ma’lum qildi.
Manba: Daryo.uz
ОПРОС
31)
(
0)
(
29)
(
2)
