Melaniya Tramp OAVdan sog‘ligi haqida noto‘g‘ri axborot tarqatmaslikni so‘radi

AQSh birinchi xonimi Melaniya Tramp buyragini operatsiya qildirganidan keyin ahvoli yaxshilangani va ayni paytda Oq uyga qaytib kelganini o‘zining Twitter sahifasida ma’lum qildi.

Melaniya Tramp OAVdan uning sog‘ligi haqida noto‘g‘ri xabar tarqatishni to‘xtatishni so‘radi.

“Ko‘rib turibman, OAV mening qayerda va nima qilayotganim haqida noto‘g‘ri axborotlar tarqatish bilan band. Ishonchingiz komil bo‘lsin, men shu yerda, Oq uyda o‘z oilam bilan birgaman, o‘zimni ajoyib his qilyapman va bolalar hamda Amerika xalqi uchun ishlayapman”, — deb yozgan Melaniya o‘zining Twitter sahifasida.

Avvalroq, Melaniya Trampning buyragi operatsiya qilingani xabar qilingan edi.