Navoiyda ichida 50 ming so‘m pul bo‘lgan ayollar sumkasini o‘g‘irlagan talonchi hibsga olindi

Navoiy shahrida noma’lum shaxs 47 yoshli ayolning qo‘lidan ichida 50 ming so‘m pul, uy hujjatlari va fuqarolik pasporti bo‘lgan sumkasini tortib oldi va voqea joyidan yashirindi, deb xabar bermoqda O‘zbekiston Ichki ishlar vazirligi matbuot xizmati.

“Ichki ishlar xodimlari tomonidan olib borilgan tezkor tadbirlar natijasida, ushbu talonchilik jinoyatini Nurota tumanida yashovchi 34 yoshli fuqaro sodir etganligi aniqlandi va u qo‘lga olindi”, – deyiladi xabarda.

Vazirlik xabarida ta’kidlanishicha, mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.