Gvatemalada vulqon otilishi qurbonlari soni 75 kishiga yetdi

Gvatemalada 3-iyun, yakshanba kuni boshlangan Fuego vulqoni otilishi qurbonlari soni 75 kishiga yetdi, yana 200 kishi bedarak yo‘qolgan deb hisoblanmoqda. Bu haqda mahalliy hukumatga tayanib, “Interfaks” xabar berdi.

Hozircha faqat 23 nafar qurbonning shaxsini aniqlashga muvaffaq bo‘lishdi, qolgan jasadlarning shaxsini aniqlash uchun DNK ekspertizasini o‘tkazish talab etiladi.

Shu bilan birgalikda, vulqon otilishining kuchayishi haqidagi prognozlar munosabati bilan, xavf davom etmoqda. Hukumat vulqonga yaqin tumanlardan barcha aholini, shuningdek, qutqaruv operatsiyasi ishtirokchilari va jurnalistlarni evakuatsiya qilishga kirishdi.