Andijonda 800 dollar evaziga avtosalondan Nexia 3 chiqarib berishni va’da qilgan boshqarma boshlig‘i ushlandi

Bosh prokuratura huzuridagi Departamentning Andijon viloyat boshqarmasi xodimlari tomonidan o‘tkazilgan tezkor tadbirda Marhamat tuman hokimligi obodonlashtirish boshqarmasi boshlig‘i A. qo‘lga olindi. Bu haqda Bosh prokuratura matbuot xizmati ma’lum qildi. 

U fuqaro Z.ga Nexia 3 mashinasini 15 kun muddatda tanishi B. orqali avtosalondan chiqarib berishi evaziga 800 dollarni firibgarlik yo‘li bilan olib, fuqaro B.ga bergan vaqtida ashyoviy dalillar bilan ushlandi.

Mazkur holat yuzasidan fuqarolar A. va B.ga nisbatan jinoyat ishi qo‘zg‘atildi. Hozirda tergov harakatlari olib borilmoqda.