TIVda Yevropa Ittifoqi vakillari bilan Markaziy Osiyo bo‘yicha yangi strategiya muhokama qilindi

12-iyun, seshanba kuni Tashqi ishlar vazirligida Yevropa Ittifoqi delegatsiyasi bilan uchrashuv bo‘lib o‘tdi. Bu haqda Tashqi ishlar vazirligi matbuot xizmati xabar bermoqda.

Delegatsiya tarkibida Yevropa Ittifoqining Markaziy Osiyo bo‘yicha maxsus vakili Piter Burian va Afg‘oniston bo‘yicha maxsus vakili Roland Kobia tashrif buyurgan.

Uchrashuvda O‘zbekiston va Yevropa Ittifoqi o‘rtasidagi hamkorlik istiqbollari muhokama qilindi. Alohida e’tibor YIning Markaziy Osiyo bo‘yicha yangi strategiyasi loyihasiga qaratildi.

Tomonlar sheriklik va hamkorlik to‘g‘risidagi yangilangan ikki taraflama bitim bo‘yicha muzokaralarni boshlash yuzasidan fikr almashdi.