Saidabbos Saidaminov “O‘zagrotexmash” bosh direktori etib tayinlandi

“O‘zagrotexmash” aksiyadorlik jamiyati (sobiq “O‘zagrosanoatmashxolding”)ning bosh direktori etib Saidabbos Saidaminov tayinlandi. Bu haqda, kompaniya axborotiga tayanib, “Novosti Uzbekistana” xabar bermoqda.

Saidabbos Saidaminov O‘zbekiston Prezidentining 2016-yil 17-noyabridagi farmoni va Vazirlar Mahkamasining 2017-yil 1-fevralidagi tegishli qaroriga asosan kompaniya rahbariga aylangan.

Eslatib o‘tamiz, sobiq “O‘zagrosanoatmashxolding” yuqorida qayd etilgan Prezident farmoniga muvofiq aksiyadorlik jamiyati sifatida tashkil etilgan yangi “O‘zagrotexsanoatxolding” tarkibiga kiritilgan.

Yangi xolding tarkibida, “O‘zagrotexmash”dan tashqari, “O‘zagrolizing” hamda “O‘zagroservis” kompaniyalari ham bor.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.