AQSh va Janubiy Koreya hamkorlikdagi harbiy mashqlarni to‘xtatib turishga qaror qildi

Janubiy Koreya mudofaa vazirligi avgust oyida AQSh bilan hamkorlikda o‘tkazilishi rejalashtirilgan harbiy mashqlar to‘xtatilib turilishini ma’lum qildi. Bu haqda “Renxap” agentligiga tayanib, “Gazeta.ru” xabar bermoqda.

Tomonlar Shimoliy Koreya bilan yadrosizlantirish va yarimorolda tinchlik o‘rnatish borasidagi muzokaralarni davom ettirish uchun shunday qarorga kelgan.

Vashington va Seul keyingi mashqlar borasidagi qaror hozircha qabul qilinmaganini ma’lum qilgan.

Avvalroq, Seul hukumati Koreya urushi 2018-yilda tugashiga umid qilayotgani  xabar qilingan edi.