Makedoniya parlamenti mamlakatning yangi nomini tasdiqladi

Makedoniya parlamenti Gretsiya bilan mamlakatning nomini Shimoliy Makedoniya Respublikasiga o‘zgartirish haqidagi kelishuvini ratifikatsiya qildi. Bu haqda “Korrespondent.net” xabar berdi.

Afina bilan kelishuvni Makedoniya parlamenti a’zolarining ko‘pchiligi — 69 kishi qo‘llab-quvvatlagan. Biroq muxolifat hisoblanuvchi Makedoniya milliy birligi demokratik partiyasi a’zolari ovoz berishda ishtirok etishdan bosh tortgan.

Endi Makedoniyada referendum tashkil etilishi kerak. Unda fuqarolar Afina bilan kelishuvni qo‘llab-quvvatlashi yoki yo‘qligi haqida ovoz beradi. Referendumning o‘tkazilishi jotiy yilning kuziga rejalashtirilgan.