O‘zbekiston Mudofaa vazirligi Xalqaro armiya o‘yinlarining 13 ta turida ishtirok etadi

O‘zbekiston Mudofaa vazirligi vakillari Xalqaro armiya o‘yinlarining 13 ta turida ishtirok etadi. Bu haqda 19-iyun kuni O‘zbekiston Milliy matbuot markazida bo‘lib o‘tgan Mudofaa vazirligi matbuot anjumanida ma’lum qilindi.

Joriy yilda Xalqaro armiya o‘yinlarining 13 ta turida O‘zbekiston harbiy xizmatchilari ishtirok etadi. Shuningdek, Jizzax oliy harbiy aviatsiya bilim yurtining nomi o‘zgartirilib, endilikda O‘zbekiston Respublikasi oliy harbiy aviatsiya bilim yurti, deb ataladi.

Eslatib o‘tamiz, IV Xalqaro armiya o‘yinlari “ArMI — 2018” 28-iyuldan 11-avgustga qadar o‘tkaziladi. O‘yinlar davomida 27 ta xalqaro tanlovlar o‘tkazilishi rejalashtirilmoqda.

“ArMI — 2018” oltita davlat hududida bo‘lib o‘tishi rejalashtirilgan, bular — Rossiya, Ozarbayjon, Belarus, Eron, Qozog‘iston va Xitoy.