Indoneziyada paromning halokati oqibatida bedarak yo‘qolganlar soni 192 kishiga yetdi

Indoneziyaning Sumatra orolida Toba ko‘lida paromning halokati oqibatida 190 dan ortiq kishi bedarak yo‘qolgan, deb hisoblanmoqda. Bu haqda “RIA Novosti” xabar berdi.

Avvalroq halokat oqibatida 166 kishi bedarak yo‘qolgani haqida xabar qilingan.

Xabar berilishicha, oilalar arizalariga asosan bedarak yo‘qolganlar soni 192 kishiga yetgan. Halokatga uchragan paromning bortida bo‘lgan yo‘lovchilarning umumiy soni hali ham noma’lum. Ko‘pchilik paromga chiptasiz chiqqan. Xabarlarga ko‘ra, parom 43 nafar yo‘lovchiga mo‘ljallangan bo‘lgan.

Parom halokati 18-iyun kuni Toba ko‘lida yuz bergan. Ayni paytda halokat sabablari aniqlangani yo‘q.