Foto: Toshkentdagi noodatiy piyodalar yo‘lakchasi

Toshkent shahrining Nukus ko‘chasida noodatiy piyodalar yo‘lakchasi paydo bo‘ldi. Bu haqda “Xalq so‘zi Online”ga ijtimoiy tarmoq foydalanuvchilari surat orqali ma’lum qildi, deb yozadi “Xalq so‘zi”.

Nukus ko‘chasining Mirobod bozori tugagan qismidan Rossiya elchixonasiga ketuvchi piyodalar yo‘lagiga antiqa ko‘rinishdagi maxsus arkalar o‘rnatib chiqilgan.

Ma’lumotlarga ko‘ra, bunday noyob ko‘rinishdagi piyodalar yo‘lakchasini chet elda, jumladan AQShda uchratish mumkin. Ular kechki payti maxsus chiroqlar yordamida yoritiladi. Ushbu surat kunduz kuni olingani bois, hozircha uning qanday yorug‘lik bilan ta’minlangani ma’lum emas.