Namanganda “Yoshlar matbuoti” tarmog‘i tashkil etildi

O‘zbekistonda ilk bor tajriba tariqasida Namangan viloyatining Norin tumanida “Yoshlar matbuoti” tarmog‘i tashkil etildi. Bu haqda “Daryo” muxbiri ma’lum qildi.

“Yoshlar matbuoti” faoliyatini samarali tashkil etish maqsadida Yoshlar ittifoqi tomonidan 10 dona velosiped bepul ajratildi.

— Tumandagi 7 ta mahallada 7 ta kitob, gazeta-jurnal tarqatishga mo‘ljallangan shoxobcha qurildi. 57 ta mahalla kesimida 2000 nafar yoshning “Xalq so‘zi”, “Yoshlar ovozi” gazetalari, “Dugonalar” va “Yosh kuch” jurnallariga bepul obunasi tashkil etildi, — deydi Yoshlar ittifoqi viloyat kengashi raisi Ilyos Rahimov.

Ushbu shoxobchalarda ishlash uchun yoshlar qabul qilindi, ularning bandligini ta’minlash tizimi yo‘lga qo‘yildi.