Xitoyda avtobus va yuk mashinasi ishtirokidagi YTHda 18 kishi halok bo‘ldi

Xitoyning Xunan provinsiyasida avtobus va yuk mashinasi ishtirokidagi yo‘l-transport hodisasida 18 kishi halok bo‘ldi. Bu haqda mahalliy OAVlarga tayanib, “RIA Novosti” xabar bermoqda.

Xunan yo‘l politsiyasi ma’lumotlariga ko‘ra, YTH 29-iyun kuni kechqurun sodir bo‘lgan. Avtobus qarama-qarshi yo‘nalishga chiqib ketgan va yuk mashinasi bilan to‘qnashgan. Hodisa oqibatida 18 kishi halok bo‘lib, 14 kishi shifoxonaga tushgan.

Voqea yuz bergan joyda tezkor xizmatlar ish olib bormoqda.