“Tolibon” jangarilari Afg‘oniston—Tojikiston chegarasidagi daryo portini egalladi

“Tolibon” jangarilari Afg‘onistonning Tohar viloyatida, Tojikiston bilan chegarada joylashgan Oyxonum portini egalladi. Bu haqda “Kommersant” xabar bermoqda.

Oyxonumga hujum 30 iyun, shanbaga o‘tar kechasi uyushtirilgan. “Tolibon” jangarilari chegara politsiyasining ikki xodimini o‘ldirib, uch nafarini yarador qilgan, besh chegarachini garovga olgan.

Hujum davomida to‘rtta politsiya mashinasi yoqib yuborilgan.

30 iyun kuni Afg‘oniston prezidenti Muhammad Ashraf G‘ani Ramazon Hayiti munosabati bilan e’lon qilingan hukumat va “Tolibon” o‘rtasidagi o‘t ochishni o‘zaro to‘xtatish haqidagi sulh yakuniga yetganini e’lon qilgandi.