Toliblar Afg‘oniston – Tojikiston chegarasidagi shaharni qamal qilishi oqibatida 30 dan ortiq odam halok bo‘ldi

“Tolibon” radikal harakati jangarilari Afg‘onistonning Tojikiston chegarasidagi Qunduz viloyatida joylashgan Imom Sohib shahriga hujum uyushtirdi. Bu haqda “Interfaks” xabar bermoqda.

25-iyunga o‘tar kechasi jangarilar shaharning Imomiddin chorrahasidagi hukumat postlariga hujum qilishi oqibatida o‘n nafar politsiyachi halok bo‘ldi. Javob hujum bilan 21 jangari o‘ldirildi, 12 nafari yaralandi.

Qunduz viloyati politsiya boshqarmasi boshlig‘i Abdulboqiy Nuristoniyga ko‘ra, toliblar tumanni egallash harakatlarini davom ettirmoqda.