Afg‘onistonda “Tolibon” hujumi oqibatida to‘qqiz harbiy halok bo‘ldi

Afg‘oniston shimolida armiya blokpostlariga “Tolibon” radikal harakati tomonidan uyushtirilgan hujum oqibatida to‘qqiz harbiy halok bo‘ldi, 15 kishi yaralandi. Bu haqda “RIA Novosti” xabar bermoqda.

Faryob viloyatida hokimi Muhammad Solih Solih ma’lumotiga qaraganda, hujum 26-aprelga o‘tar kechasi uyushtirilgan. To‘qnashuv sakkiz soat davom etgan.

Mudofaa vazirligiga qaraganda, javob hujum natijasida 15 jangari yo‘q qilingan, besh nafari yaralangan. O‘ldirilganlar ichida jangarilar komandiri Muhammad Amin ham bor.