Sergelida FVB xodimlari bolalar maydonchasi qurib, foydalanishga topshirdi

Toshkent shahrining Sergeli tumani, “Daryo bo‘yi” MFY hududida “Obod mahalla” dasturi doirasida Navoiy viloyati hokimligi homiyligida Navoiy viloyati FVB xodimlari tomonidan shu nomdagi bolalar maydonchasi qurilib, foydalanishga topshirildi. Bu haqda FVV matbuot xizmati ma’lum qildi.

Ushbu qurilish ishlariga Navoiy viloyati FVBdan 25 nafar xodim va 4 ta texnika jalb qilindi.

28-iyun kuni Sergeli tuman hokimligi, Navoiy viloyati Xalq qabulxonasi rahbari, Navoiy viloyati FVB xodimlari va “Daryo bo‘yi” MFY aholisi ishtirokida Navoiy nomli bolalar maydonchasining tantanali ochilish marosimi tashkilashtirildi.

Shuningdek, Toshkent viloyati, Bo‘stonliq tumanidagi “Gornyak” bolalar dam olish oromgohiga kam ta’minlangan oilalarning 10 nafar farzandiga bepul yo‘llanmalar berildi.