Gurbanguli Berdimuhamedov uchinchi muddatga Turkmaniston prezidenti etib saylandi

Turkmanistonning amaldagi rahbari Gurbanguli Berdimuhamedov uchinchi muddatga respublika prezidenti etib saylandi. Bu haqda 13-fevral, dushanba kuni mamlakat markaziy saylov komissiyasi raisi ma’lum qildi, deya xabar beradi “RIA Novosti”.

Berdimuhamedov saylovchilarning 97,69 foizi ovozini to‘pladi.

Markaziy saylov komissiyasiga ko‘ra, 12-fevral kuni bo‘lib o‘tgan prezidentlik saylovlarida ovoz berish huquqiga ega saylovchilarning 97,27 foizi ishtirok etdi.

Eslatib o‘tamiz, saylovlarda Gurbanguli Berdimuhamedovdan tashqari yana 8 nafar nomzod prezidentlik lavozimiga da’vogarlik qilgandi.

Gurbanguli Berdimuhamedov 2016-yilda konstitutsiyaga kiritilgan o‘zgartirishga ko‘ra 7 yil muddatga saylandi. U ilgari davlat rahbari lavozimiga 5 yildan ikki muddatga saylangandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.