Kanadalik ayol avtobus yo‘lovchilariga pichoq bilan hujum qildi

Kanadaning Brampton shahrida (Ontario provinsiyasi) ayol kishining pichoq bilan hujum qilishi oqibatida to‘rt kishi jabrlandi. Bu haqda politsiya xabar berdi, deb yozadi “RIA Novosti”.

Hodisa 3-iyul kuni kechqurun shahar avtobusida yuz berdi. Yosh ayol avtobus yo‘lovchilariga tashlangan. Jabrlanganlarning barchasi shifoxonaga yotqizilgan, ularning hayoti xavf ostida emas.

CTV telekanali ma’lumotiga ko‘ra, yo‘lovchilarga hujum qilgan ayol qo‘lga olingan, unga nisbatan to‘rt kishining hayotiga suiqasd qilish aybi e’lon qilingan. Ayolning hujum qilishiga nima sabab bo‘lganligi noma’lum.