Tayvanda sayyohlarni olib ketayotgan avtobusning ag‘darilishi oqibatida 28 kishi halok bo‘ldi

Tayvanda sayyohlarni olib ketayotgan ekskursiya avtobusi ishtirokida yo‘l-transport hodisasi yuz berdi, deya xabar bermoqda “Gazeta.ru”.

CNA agentligining qutqaruvchilar taqdim etgan ma’lumotlarga asoslanib xabar berishicha, hodisa oqibatida 28 kishi halok bo‘lgan.

Hodisa mahalliy vaqt bilan 21:00 da (Toshkent vaqti bilan 18:00 da), Taybey shahri yaqinida yuz bergan.

Avtobusda 44 kishi bo‘lgan. Ularning 28 nafari halok bo‘lgani, yana bir necha kishi jarohat olgani aytilmoqda.

Jabrlanuvchilar kasalxonalarga yuborilgan. Voqea joyiga 20 ga yaqin tez yordam mashinasi kelgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.