Navoiyda mast holda yotgan fuqaroni bosib, qochib ketgan haydovchi qo‘lga olindi

Navoiy viloyatining Nurota tumanida 4-iyul kuni noma’lum haydovchi aniqlanmagan avtomashinani “Istiqlol” MFY Soykechar qishlog‘idan o‘tuvchi “Yangiturmush-Nurota” yo‘lida haydab ketayotib yo‘lning qatnov qismida mast holda yotgan fuqaroni bosib ketib, voqea joyidan yashiringani haqida xabar berilgandi. Bu haqda IIV jamoatchilik va OAV bilan aloqalar boshqarmasi ma’lum qildi.

Ko‘rilgan choralar va fuqarolarning bergan ma’lumotlari natijasida ushbu yo‘l-transport hodisasini Nurota tumanida yashovchi muqaddam sudlangan O.Q. sodir etganligi aniqlanib, qo‘lga olindi.

IIV ushbu holat yuzasidan bilgan ma’lumotlarini ichki ishlar organlariga taqdim etgan fuqarolarga minnatdorlik bildirdi.