Samarqandda Spark beton to‘siqqa borib urildi. Toshkentlik haydovchining ayoli va farzandi halok bo‘ldi

Samarqand viloyatining Oqdaryo tumanida 7-iyul kuni ikki kishining o‘limiga sabab bo‘lgan yo‘l-transport hodisasi ro‘y berdi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni Toshkent shahri, Sergeli tumanida yashovchi A.A. Spark rusumli avtomashinasini “Samarqand—Buxoro” yo‘lining 42-kilometrida haydab ketayotib, boshqaruvni uddalay olmay, yo‘lni ikkiga ajratib turuvchi beton to‘siqqa borib urildi.

Hodisa oqibatida A.A.ning yo‘lovchilari — turmush o‘rtog‘i va farzandi jarohat olib, voqea joyida halok bo‘ldi.

Surishtiruv ishlari olib borilmoqda.