Jismoniy shaxslarga STIR berish Davlat xizmatlari markazlari orqali taqdim etiladi

Joriy yil 1-sentabrdan boshlab aholi talabi yuqori bo‘lgan bir qator xizmatlar Davlat xizmatlari markazlari orqali taqdim etiladi. Bu haqda “Daryo”ga Davlat xizmatlari agentligi jamoatchilik va OAV bilan aloqalar bo‘limi ma’lum qildi.

Tug‘ilganlikni qayd etish, adliya organlari va muassasalaridan chiqadigan rasmiy hujjatlarga apostil qo‘yish, FXDYO va notariat organlari tomonidan arxiv hujjatlarini berish, sudlanganlik haqida ma’lumotnoma berish shular jumladan.

Shuningdek, jismoniy shaxs — soliq to‘lovchining soliq va boshqa qarzi yo‘qligi (borligi) haqida ma’lumotnoma, jismoniy shaxslarga STIR, manzil-ma’lumot axborotlarini berish kabi xizmatlar ham Xalq qabulxonalari huzurida faoliyat yurituvchi Davlat xizmatlari markazlari orqali aholiga taqdim etiladi.