“O‘zpaxtasanoat” tizimidagi korxonalarda 25 mlrd so‘mlik noqonuniy holatlar aniqlandi

“O‘zpaxtasanoat” AJ tizimidagi paxta tozalash korxonalarida ko‘plab noqonuniy holatlar aniqlandi. Bu haqda Moliya vazirligi xabar bermoqda.

Jumladan, 2017-yil hosilidan tayyorlangan paxta xomashyosini qabul qilish, qayta ishlash, paxta mahsulotlarini sotish va paxta yetishtiruvchi xo‘jaliklar bilan topshirilgan paxta xomashyosi bo‘yicha yakuniy hisob-kitoblarning haqqoniyligi yuzasidan 31 ta nazorat tadbiri o‘tkazildi.

Ularning 21 tasida 25,2 milliard so‘mlik noqonuniy holatlar aniqlandi. Tekshirish materiallari qonuniy chora ko‘rish uchun huquqni muhofaza qilish organlariga topshirildi.