Abdulaziz Komilov Markaziy Osiyo davlatlari tashqi ishlar vazirlarining Issiqko‘ldagi uchrashuvida ishtirok etadi

Tashqi ishlar vaziri Abdulaziz Komilov boshchiligidagi O‘zbekiston delegatsiyasi Issiqko‘lda (Qirg‘iziston) 20—22-iyul kunlari bo‘lib o‘tadigan Markaziy Osiyo davlatlari tashqi siyosiy mahkamalari rahbarlari uchrashuvida ishtirok etadi. Bu haqda TIV matbuot xizmati xabar berdi.

Qozog‘iston, Qirg‘iziston, Tojikiston, Turkmaniston va O‘zbekiston TIV rahbarlari Markaziy Osiyo davlatlari yetakchilarining 2018-yil 15-martdagi ilk maslahat-uchrashuvida erishilgan kelishuvlarning bajarilishini muhokama qiladi.

Shuningdek, mintaqaviy va xalqaro kun tartibidagi dolzarb masalalar yuzasidan fikr almashiladi.