Tramp Eron AQShga tahdid qilishda davom etsa, jabr ko‘rishini ma’lum qildi

Donald Tramp Eron AQShga tahdid qilishda davom etsa, mamlakat jabr ko‘rishini ma’lum qildi. Bu haqda Tramp o‘zining Twitter’dagi sahifasida yozdi, deb “Gazeta.ru” xabar bermoqda.

“Eron prezidenti Hasan Ruhoniyga: boshqa hech qachon Qo‘shma Shtatlarga tahdid qilmang, aks holda bu ishingizning oqibatlaridan jabr ko‘rasiz. Biz endi sizlarning shafqatsizlik va o‘lim haqidagi telbanamo gaplaringizga indamay turadigan mamlakat emasmiz. Ehtiyot bo‘ling!” — deb yozgan Tramp.

Avvalroq, Eron AQSh sanksiyalariga qarshi kurashish tadbirlarini ishlab chiqishi xabar qilingan edi. Eronning Neft eksport qiluvchi mamlakatlar tashkilotidagi (OPEK) vakillari Donald Trampni o‘z Twitter sahifasidagi beadab tvitlarini bas qilishga chaqirgan.