“Chelsi” yangi murabbiy qo‘l ostidagi ilk o‘yinda g‘alabaga erishdi

Yangi mavsumga tayyorgarlikni boshlagan Londonning “Chelsi” jamoasi Avstraliyaning “Pert Glori” klubi bilan o‘rtoqlik o‘yinida maydonga tushdi. Mavsumoldi o‘yinida “Chelsi”ga g‘alaba keltirgan golga Pedro Rodriges mualliflik qildi.

Ta’kidlash joiz, bu londonliklarning yangi bosh murabbiy Mauritsio Sarri qo‘l ostida o‘tkazgan ilk o‘yini bo‘ldi. Avvalroq jamoa Antonio Konteni ist’efoga chiqarib, uning o‘rniga Sarrini tayinlagan edi.

O‘rtoqlik o‘yini

Gol: 0:1 – 5 Pedro.

“Pert Glori”: Reddi, Franich (Devidson, 68), Louri, Julbich (Kyaneze, 68), Nevill, Uilson (Prados, 77), Grant, Kilkenni (Brimmer, 69), Fabiu Ferreyra (Kastro, 77), Kio (Shantalab, 68), Italyano (Garold, 46).

“Chelsi”: Bulka, Alonso (Emerson, 46), Dzappakosta (Ayna, 73), David Luiz, Ampadu (Kalas, 62), Barkli (Musonda, 77), Jorjino (Bakayoko, 46), Pedro (Pyazon, 73), Fabregas, Xadson-Odoi (Pashalich, 46), Morata (Abraxam, 61).

Ogohlantirishlar: David Luiz (36), Shantalab (87).