Toshkentda Isroil namunasi asosidagi texnopark quriladi

Napa Team kompaniyasi Toshkent shahri hokimi vazifasini bajaruvchi Jahongir Ortiqxo‘jayevga yuqori texnologiyali Technopark Napa parkini yaratish loyihasini taqdim etdi. Bu haqda “Podrobno.uz” xabar bermoqda.

Loyiha amalga oshirilganidan so‘ng poytaxtda IT-tadbirkorlikni rivojlantirish uchun yangi maydon va IT-mutaxassislarni amaliy tayyorlash manzili paydo bo‘lishi mumkin.

Texnopark ko‘plab startaplarga hayot bag‘ishlashi mumkin, investorlar hisob-kitobiga ko‘ra, ularning soni yiliga kamida 250 ta bo‘ladi. Mazkur loyihaga IT-startaplar eng ko‘p jamlangan Isroil texnoparklari namuna sifatida tanlandi. Loyihani to‘liq joriy etish uchun 12 ming kvadrat metr maydon talab qilinadi.