Chilonzor hokimligi fuqarolarni daraxtlar kesilishi holatlari haqida xabar berishga chaqirdi

Toshkent shahar Chilonzor tumani hokimligi tumanda daraxtlar kesilishiga beparvo bo‘lmagan fuqarolarni bunday holatlarga guvoh bo‘lgan vaqtda xabar berishga chaqirdi.

Bunda Ekologiya va atrof-muhitni muhofaza qilish davlat qo‘mitasi ishonch telefoniga (277-75-43) yoki Ichki ishlar bosh boshqarmasiga (233-71-47, 233-49-46) murojaat qilish mumkin.

Ta’kidlanishicha, navqiron daraxtlarning shafqatsiz tarzda kesib tashlanishi oldini olish maqsadida Chilonzor tuman hokimligi mas’ul boshqarma va tashkilotlarni jiddiy ogohlantirgan. Javobgarlikka tortish bo‘yicha choralar ko‘riladi.