Toshkentda firibgarlik yo‘li bilan 82 ming AQSh dollarini qo‘lga kiritgan ayol qo‘lga olindi

Toshkent shahrining Chilonzor tumanida 9-iyul kuni tuman IIBga tushgan hujjatlarga ko‘ra, 2016-yil oxiri 2017-yil boshlarida Uchtepa tumanida yashovchi D.X. ismli ayol firibgarlik bilan o‘zganing mablag‘ini qo‘lga kiritganligi aniqlandi. Bu haqda O‘zbekiston Respublikasining Ichki ishlar vazirligi matbuot xizmati xabar bermoqda.

D.X. Guliston ko‘chasida yashovchi G.X. ismli ayolning uyida unga chet eldan parfyumeriya mahsulotlarini olib kelib berishni va’da qilib 82 ming AQSh dollarini olib, bergan va’dasini bajarmay pullarni o‘z ehtiyojlari yo‘lida ishlatib yuborgan.

Firibgar ayol qo‘lga olingan.