“Davyergeodezkadastr” Belarus Davlat mulk qo‘mitasi bilan hamkorlik qiladi

18—21-iyul kunlari O‘zbekiston Yer resurslari, geodeziya, kartografiya va davlat kadastri qo‘mitasi delegatsiyasi Belarusga tashrif buyurdi. Bu haqda qo‘mita matbuot xizmati “Daryo”ga xabar berdi.

Belarus Davlat mulk qo‘mitasida bo‘lib o‘tgan muzokaralarda o‘zaro hamkorlik masalalari muhokama qilindi.

18-iyuldan 21-iyulga qadar davom etgan tashrif mobaynida O‘zbekiston delegatsiyasi Belarus Milliy kadastr agentligi, Belgeodeziya korxonasi, Belgiprozem loyiha instituti, “BelPAS’HAGI” aerofotogeodeziya korxonasi hamda Minsk mintaqaviy davlat agentligi, yer kadastri agentligi misolida interaktiv xizmatlar ko‘rsatish jarayoni bilan tanishdi.

Shuningdek, Belarus Davlat mulk qo‘mitasi hamda O‘zbekiston Davyergeodezkadastr qo‘mitasi o‘rtasida hamkorlik to‘g‘risida shartnoma loyihasi muhokama qilindi.