Tramp Eron prezidenti bilan “oldindan hech qanday shartlarsiz” uchrashishga rozi ekanligini ma’lum qildi

AQSh prezidenti Donald Trampning ma’lum qilishicha, u Eron prezidenti Hasan Ruhoniy bilan “oldindan hech qanday shartlarsiz” uchrashishga tayyor. U mazkur bayonotni Italiya bosh vaziri Juzeppe Konte bilan uchrashuvdan keyin berdi, deb yozadi Meduza.

AQSh davlat kotibi Mayk Pompeo tomonidan keyinroq aniqlik kiritilishicha, uchrashuv Eron hukumati o‘z xalqiga nisbatan munosabatini o‘zgartirib, dushmanlik kayfiyatidan voz kechsa, haqiqatdan yadro quroli tarqalishining oldini oluvchi kelishuvga rozi bo‘lsagina, tashkil etilishi mumkin.

O‘z navbatida, Ruhoniyning maslahatchilaridan biri Hamid Abdutolib bayonot qilib, uchrashuv uchun zarur shart “buyuk Eron xalqiga hurmat” va yadro kelishuviga qaytish ekanligini aytib o‘tgan.