2018-yili xorijdan o‘zbekistonliklarga 2,3 milliard dollar pul yuborilgan

Yil boshidan e’tiboran O‘zbekistonga 2,3 milliard dollar pul jo‘natmalari amalga oshirilgan. Bu haqda Markaziy bank ma’lumotlariga tayanib, Spot xabar bermoqda.

Yilning ikkinchi choragida O‘zbekistonga yuborilgan pul jo‘natmalari hajmi keskin ortgan. Birinchi chorakda jo‘natmalar hajmi 949 million dollarni tashkil qilgan.

2018-yilning yanvar-iyun oylarida O‘zbekistonga yuborilgan jo‘natmalar hajmi 14 foizga ortgan. Shu bilan birgalikda, eksport-import bo‘yicha ham o‘sish kuzatilgan. Shu va boshqa ko‘rsatkichlarga tayangan holda, tadqiqotchilar 2018-yilning birinchi yarim yilligida to‘lov balansi joriy operatsiyalari hisobining saldosi ijobiy natija ko‘rsatishini bashorat qilmoqda.