Yulduz Usmonovadan o‘rnak olganlar Kiki Challenge’ni O‘zbekistonda ham ommalashtirmoqda (video)

Kiki Challenge fleshmobi O‘zbekistonda ham tobora ommalashmoqda. Ijtimoiy tarmoqlarda o‘zbekistonliklarning harakatlanayotgan mashina yonida raqsga tushayotgani aks etgan o‘nlab videoroliklar joylashtirilmoqda, deb xabar bermoqda “Podrobno.uz”.

O‘zbekiston xalq artisti Yulduz Usmonovani Kiki Challenge fleshmobini O‘zbekistonda ommalashtirgan birinchi san’atkor deyish mumkin, deyiladi xabarda.

Usmonovadan keyin hali biror estrada xonandasi ushbu estafetani davom ettirganicha yo‘q.

Ma’lumot uchun, Kiki Challenge – internetdagi ommabop fleshmob bo‘lib, uning ishtirokchilari yurib ketayotgan mashinadan sakrab tushib, Dreykning qo‘shig‘iga raqsga tushishi va jarayonni videoga tushirib, uni ijtimoiy tarmoqqa joylashtirishi kerak.