Britaniyalik ayolning 13 yil oldin yo‘qolgan mushugi topildi

Buyuk Britaniyaning Xarrogeyt shahrida istiqomat qiluvchi ayol yo‘qolgan mushugini topdi. Faqat buning uchun 13 yil kerak bo‘ldi, deb yozadi Yorkshire Post.

Ayolning Bu laqabli mushugi 2005-yilda yo‘qolib qolgan edi. O‘shanda uning yoshi 4 da bo‘lgan. Uning xo‘jayinin Janet Adamovich esa mushukni gazetalarga e’lon berish orqali izlab ko‘radi. Harakatlar samarasiz yakunlanadi.

Oradan 13 yil o‘tib, veterinariya xizmatidan Janet xonimga qo‘ng‘iroq bo‘ladi. Mushuk Xarrogeytdan 60 kilometr uzoqlikdan topiladi. Shifokorlar mushukdagi mikrochip orqali uning xo‘jayini ismi va telefon raqamini topishadi.