O‘zbekiston Markaziy Osiyo uchun yagona viza joriy etish taklifini qo‘llab-quvvatlaydi

O‘zbekiston Qozog‘iston tomonining Markaziy Osiyo uchun yagona viza joriy etish taklifini qo‘llab-quvvatlaydi. Bu haqda Oliy Majlis Senati Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasining Milliy matbuot markazida o‘tkazilgan matbuot anjumanida ma’lum qilindi, deya xabar beradi Spot.

Matbuot anjumani davomida O‘zbekiston va Qozog‘iston mazkur yo‘nalishda tayyorgarlik ishlarini olib borayotgani ma’lum bo‘ldi.

Markaziy Osiyo davlatlariga keluvchi sayyohlarga yagona viza taqdim etish o‘rta muddatli rejalar sirasiga kirishi bildirilmoqda.