AQShda giyohvand moddalarni sotishda gumon qilingan milliarder hibsga olindi

AQShning Las-Vegas shahrida Broadcom kompaniyasi asoschilaridan biri, milliarder Genri Nikolas III hibsga olindi. Bu haqda Los Angeles Times’ga tayanib, News Liga xabar bermoqda.

Milliarder bir qator giyohvand moddalari — geroin, kokain, metamfetamin va ekstazini sotishda gumon qilinmoqda.

Giyohvand moddalar politsiya xodimlari tomonidan mehmonxona nomeridan topilgan. Politsiyani mehmonxona qo‘riqlash xizmati chaqirgan. Shuningdek, politsiya milliarderning hamrohi — Eshli Fargo ismli ayolni ham hibsga olgan. Keyinroq ularning ikkisi ham garov evaziga qo‘yib yuborilgan.

Milliarderning advokati Devid Chesnoff uning jamoasi o‘z tergovini olib borishini ma’lum qilgan.