Toshkent temir yo‘l vokzalida muddatli harbiy xizmatni o‘tab qaytgan yigitlar tantanali kutib olindi

Toshkent temir yo‘l vokzalida Farg‘ona viloyatida muddatli harbiy xizmatni o‘tab qaytgan yigitlar tantanali kutib olindi, deb xabar bermoqda O‘zA.

“O‘zbekiston Prezidenti Shavkat Mirziyoyevning 2016-yil 21-dekabrdagi ‘O‘zbekiston Respublikasi fuqarolarini muddatli harbiy xizmatga navbatdagi chaqiruvi hamda belgilangan xizmat muddatlarini o‘tab bo‘lgan harbiy xizmatchilarni Qurolli Kuchlar rezerviga bo‘shatish to‘g‘risida’gi qaroriga muvofiq o‘z yigitlik burchini o‘tab bo‘lgan yigitlar O‘zbekistonning barcha hududlarida tantanali kutib olinmoqda”, — deyiladi O‘zA xabarida.

Vatan himoyachilarini bayramona kutib olish bilan birga, ularning harbiy xizmatdan keyin hayotda va jamiyatda munosib o‘rin topishiga alohida e’tibor qaratilgan. Ularning oliy o‘quv yurtlariga o‘qishga kirishi, jamoat ishlarida faol qatnashishi uchun keng imkoniyatlar yaratilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!