Mario Manjukich Xorvatiya terma jamoasidagi faoliyatini yakunladi

“Yuventus” hujumchisi Mario Manjukich Xorvatiya terma jamoasidagi faoliyatini yakunlaganini e’lon qildi.

“O‘ta qiyin qaror qabul qilyapman. Terma jamoadan ketish uchun ideal vaqt yo‘q, ammo hozir men uchun ketish vaqti kelganini tushundim”,—deydi Mario.

Ma’lumot uchun hujumchi Xorvatiya terma jamoasida gol urish borasida Davor Shukerdan (45 ta gol) keyin ikkinchi o‘rinni egallab turibdi. 32 yoshli Mario terma jamoa uchun 33 ta gol urishning uddasidan chiqqan.

Futbolchi terma jamoa bilan Rossiyadagi mundialda kumush medal sohibiga aylandi.