Taekvondo. Dmitriy Shokin finalda! Svetlana Osipova bronza medalini qo‘lga kiritdi

Indoneziyaning Jakarta hamda Palembang shaharlarida XVIII Osiyo o‘yinlari davom etmoqda. Bugun, 21-avgust sanasida taekvondochilar ham janglarda ishtirok etyapti, deb xabar beradi “Daryo” muxbiri.

Jumladan, +80 kg vazn toifasida O‘zbekiston sharafini himoya qilayotgan Dmitriy Shokin yarim finalga chiqdi. Shokin chorak finalda hindistonlik Akshay Kumarni 15:1 hisobida mag‘lub etdi. Dmitriy Shokin yarim finalda Iordaniya vakili Kattan Hamzaga qarshi dayanga chiqib, 5:4 hisobida g‘alaba qozondi va finalga chiqdi.

Ayollar o‘rtasida O‘zbekiston nomidan +67 kg vaznda jang qilayotgan Svetlana Osipova kambojalik raqibasini yengib, yarim final yo‘llanmasiga ega chiqdi. Svetlana endi final yo‘llanmasi uchun qozog‘istonlik Denis Kanselga qarshi kurash olib bordi va 19:3 hisobida mag‘lub bo‘ldi. Shu tariqa u Osiyo o‘yinlarining bronza medalini qo‘lga kiritdi. ?