Malayziyalik erkak timsoh jag‘laridan qutulib qoldi va kasalxonagacha yetib bordi

Malayziyalik 42 yoshli baliqchi Hamid Mohd Ismoil timsoh hujumiga uchradi. Erkak ertalab qirg‘oqqa baliq ovlash uchun kelganda, yirtqich unga suvdan sakragan. Bu haqda “Korrespondent.net” xabar berdi.

Erkak mo‘jiza tufayli timsoh jag‘laridan qochib qutulgan, biroq yirtqich erkakning yuzi va ko‘kragida jiddiy jarohat qoldirgan.

Mohd Ismoil qon yo‘qotgan va shok holatda o‘z motosikliga o‘tirib, shifoxonaga borgan.

Erkak kasalxona ostonasiga yetib kelishi bilan ko‘p qon yo‘qotganligi sababli hushidan ketgan. Baliqchi tirik qolgan, biroq juda kuchsiz va shok holatida qolmoqda.