Yunon-rum kurashi. Rustam Assakalov finalga chiqdi!

Bugun, 21-avgust sanasida Indoneziyaning Jakarta shahrida yunon-rum kurashi bo‘yicha bahslar davom etmoqda.

Unda o‘zbekistonlik kurashchilar ham ishtirok etmoqda.

Jumladan, -87 kg vaznda Rustam Assakalov hindistonlik raqibini 10:0 hisobida muddatidan avval mag‘lub etib, finalga yo‘l oldi, deb xabar beradi “Daryo” muxbiri.

-130 kg vaznda O‘zbekiston sharafini himoya qilayotgan Mo‘minjon Abdullayev esa tojikistonlik raqibini 9:0 hisobida taslim etib, u ham muddatidan avval yarim finalga chiqdi.