Trampning sobiq advokati uning topshirig‘iga ko‘ra jinoyat sodir etganligini ma’lum qildi

AQSh prezidenti Donald Trampning sobiq advokati Maykl Koenning ma’lum qilishicha, Tramp bir vaqtlar unga ikki ayolga jim yurishi uchun pul to‘lashni buyurgan. Bu haqda “RIA Novosti” xabar bermoqda.

Taxmin qilinishicha, bu ayollardan biri Tramp bilan ishqiy munosabatlarda bo‘lganini iddao qilayotgan aktrisa Steffani Klifford.

Ayollarga berish uchun pulni saylov fondidan olishgan, bu esa qonunbuzarlik hisoblanadi.

Koen shuningdek, soliqlardan bo‘yin tovlash hamda bank sohasidagi firibgarliklarini ham tan olgan. Unga nisbatan hukm dekabr oyida o‘qiladi.