Emomali Rahmon: O‘zbekistonga tashrif tarixga zarhal harflar bilan bitiladi

Tojikiston prezidenti Emomali Rahmon O‘zbekistonga 17 yil ichida birinchi marta uyushtirilgan tashrifga yuksak baho berdi, deb yozadi Sputnik.

Uning so‘zlariga kora, bu voqea “ikki qo‘shni mamlakat aloqalari tarixiga zarhal harflar bilan bitiladi”.

Hukumat majlisida davlat rahbari, shuningdek, hukumatlararo komissiyaning samarali faoliyati va javob tashriflari o‘zbek va tojik xalqiga yana yaqinlashib, qardoshlik aloqalarini mustahkamlash imkonini berishini aytdi.

Shuningdek, bunga hujjatlarning imzolanishi, biznes-forumlar va sanoat mahsulotlari ko‘rgazmalari o‘tkazilishi, madaniy ayirboshlashuv va do‘stlik kechalari ham imkon yaratgan.