Tashkent City ilk bor Scorpion trillerida namoyish etiladi

Rejissor Muxlisa Azizova tomonidan suratga olingan Scorpion filmi taqdimoti 2018-yil kuzida Toshkentdagi Prologue xalqaro kinofestivali doirasida bo?lib o?tadi. Bu haqda Yoshlar ittifoqi xabar berdi.

Syujet bo?yicha filmdagi voqealar 2021-yilda, innovatsion gigant qurilishi tugallangan vaqtda sodir bo?ladi. Shuning uchun ham ijodiy guruh tomonidan Tashkent City direksiyasi bilan hamkorlikda 3D texnologiyadan foydalangan holda, ekranda ishbilarmonlar markazining ko?chalari va shohko?chalarini aks ettirishga qaror qilindi.

Tasvirga olish ishlari shu yilning mart oyida boshlangan bo?lib, ular Toshkent va Buxoro shaharlari, shuningdek Rossiya va Marokashda bo?lib o?tdi. Kartinaning yaratilishida mashhur chet el mutaxassislari, jumladan, germaniyalik operator Maks Tsui, turkiyalik aktyor Murat Yildirim ishtirok etdi. Filmda ovoz rejissori vazifasini AQShlik Gerri Burjua bajardi.

Ayni vaqtda filmni tasvirga olish ishlari yakunlangan va “Mosfilm” kinokonsernida lentaning postprodakshn jarayoni amalga oshirilmoqda.

Scorpion trilleri O?zbekiston yoshlar ittifoqi hamda Kinematografiyani rivojlantirish markazi tomonidan taqdim qilinmoqda.