Yangi iPhone’lar dizayni namoyish etildi (video)

9to5Mac nashri yangi smartfonning eksklyuziv fotosuratini e’lon qildi, deb yozadi Tengrinews.

iPhone XS deb nom oladigan qurilma ikki xil — 5,8 dyuymli hamda 6,5 dyuymli OLED-ekranli modelda taqdim etilgan.

Ikkala variant ham tillarang tusda sotuvga chiqadi. Bundan tashqari, Apple 6,1 dyuymli LCD-ekranli yana bir smartfonni hamda korpusi ingichkaroq, displeyi kattaroq bo‘lgan Apple Watch Series 4 soatini taqdim etadi. “Aqlli” soatlarning ushbu lineykasi ko‘p sonli detallari bo‘lgan yangi Warch Face siferblatlarini qo‘llab-quvvatlaydi.

Shu va boshqa qurilmalar taqdimoti 12-sentabr kuni Apple’ning Kupertinodagi bosh qarorgohida bo‘lib o‘tadi. Qurilmalarni o‘sha haftaning juma kunidan dastlabki buyurtma bilan sotib olish mumkin. Savdolar esa 21—22-sentabrda boshlanishi kutilmoqda.