Ohangaronda 72 mln so‘mlik somon o‘ramlarini yoqib yuborgan shaxslar ushlandi

Toshkent viloyatining Ohangaron tumanida yashovchi F.A. IIBga murojaat qilib, uyi orqa tomonida turgan somon o‘ramlari noma’lum shaxslar tomonidan yoqib yuborilganini ma’lum qildi. Bu haqda IIV jamoatchilik va OAV bilan aloqalar boshqarmasi xabar berdi.

Jami 6 ming dona somon o‘ramining umumiy qiymati 72 million so‘m baholangan.

Ko‘rilgan choralar natijasida ushbu jinoyatni “Ubayt” mahallasida yashovchi A.A. va M.A. sodir etganliklari aniqlanib, ushlandi.

Holat yuzasidan jinoyat ishi qo‘zg‘atilib, tergov harakatlari davom etmoqda.