Britaniyaning O‘zbekistondagi yangi elchisi tayinlandi

Buyuk Britaniyaning O‘zbekistondagi yangi elchisi etib Tim Torlot tayinlandi, u 2019-yil yozida ishga kirishadi, deb yozadi “Gazeta.uz” Britaniya TIVga tayanib.

Toshkentdagi Buyuk Britaniya diplomatik missiyasiga 2015-yil kuzidan buyon rahbarlik qilib kelayotgan hozirgi elchi Kristofer Allan boshqa lavozimga o‘tmoqda.

61 yoshli Tim Torlot 1981-yildan buyon diplomatik xizmatda bo‘lib, Buyuk Britaniyaning Ummon, Yangi Zelandiya, Chili, Iroq (elchi o‘rinbosari) va Yaman (elchi)dagi elchixonalarida ishlagan, shuningdek, tashqi ishlar vazirligi tuzilmasida turli lavozimlarni egallagan.

2016-yildan buyon Arabiston yarim oroli va Eron bo‘yicha Forin-offis bo‘limida ishlaydi.